තම සමාගම සම්බන්ධයෙන් රට පුරා සංසරණය වන වැරදි තොරතුරු විශ්වාස නොකරන ලෙස සුප්‍රීම්සැට් (පුද්ගලික) සමාගම මහජනතාවගෙන් ඉල්ලා සිටී. නිවේදනයක් නිකුත් කරමින් එම සමාගම අවධාරණය කරන්නේ, නිල නිවේදන මත පමණක් විශ්වාසය තබන ලෙසයි.
අග්‍රාමාත්‍යවරයා විසින් 2025 අගෝස්තු 06 වන දින සිදු කරන ලද ප්‍රකාශයකින් අනතුරුව, තම සමාගම සම්බන්ධයෙන් වැරදි තොරතුරු පැතිර යමින් පවතින බව සුප්‍රීම්සැට් සමාගම පෙන්වා දෙයි. එමෙන්ම, සමාගම විසින් නිකුත් කරන ලද පැරණි නිවේදන සහ අසත්‍ය ලෙස ගොතන ලද ප්‍රකාශද මේ වන විට සංසරණය වෙමින් පවතින බව ඔවුන්ගේ අවධානයට ලක්ව ඇත.
2025 අගෝස්තු 08 වන දිනෙන් පසුව තම සමාගම කිසිදු නිල ප්‍රකාශයක් නිකුත් කර නොමැති බව අවධාරණය කරන සුප්‍රීම්සැට් සමාගම, සිය සන්නිවේදනයන්හි කිසිදු පුද්ගලයෙකු ඉලක්ක කර නොමැති බවද සඳහන් කරයි. ඔවුන්ගේ සියලුම නිල ප්‍රකාශ, සත්‍යාපනය කළ හැකි දත්ත සහ කරුණු මත පදනම් වූ තාක්ෂණික තොරතුරු වලට පමණක් සීමා වී ඇති බවද එම නිවේදනයේ වැඩිදුරටත් දැක්වේ.
මේ තත්ත්වය හමුවේ, නිවැරදි තොරතුරු ලබා ගැනීම සඳහා තම සමාගම විසින් නිකුත් කරනු ලබන නිල නිවේදන පමණක් පාදක කරගන්නා ලෙස මාධ්‍ය ආයතනවලින් සහ මහජනතාවගෙන් ඉල්ලා සිටින අතර, නිල නොවන මාර්ග ඔස්සේ පළවන ඕනෑම ප්‍රකාශයක් අසත්‍ය ලෙස සලකන ලෙස දන්වා සිටී.
වැඩිදුර තොරතුරු අවශ්‍ය වන්නේ නම්, සමාගමේ නිල වෙබ් අඩවිය වන www.supremesat.com වෙත පිවිසිය හැකි බවත්, ඕනෑම අනුමැතියක්, මූල්‍යමය තොරතුරක් හෝ අදාළ දත්ත, තොරතුරු දැනගැනීමේ පනත යටතේ අදාළ රාජ්‍ය ආයතනවලින් ලබාගත හැකි බවත් එම සමාගම වැඩිදුරටත් දැනුම් දෙයි.
Comments
Post a Comment
Your comment will be visible after approval